NICOLAS CAGE, ISA RAW BAMPIRA?

Ang aktor na si Nicolas Cage at ang larawan ng lalaking nabuhay noong Civil War Era (1870). Giit ng nagbebenta ng litrato na si Cage din ang lalaking ito. (www.youtube.com) 

May hiwaga raw umano sa pagkatao ng sikat na actor na si Nicolas Cage. Na siya raw ay maaaring isang bampira. Sige limiin natin kung bakit tinuran ito ng ilan. May isa kasing larawan ng isang kelot  sa Civil War era na noong taong 1870,  ang hawig sa hitsura ng aktor. Kung kaya, may sitsit na si Cage ay isa raw  may genes ng real-life vampire.

Iniugnay kasi ito nang gumanap ang aktor sa pelikulang “Vampire’s Kiss” at gumanap naman ng demonic role pero bida sa pelikulang “Ghost Rider”. Ngunit, ang kanyang koneksiyon sa mga bloodsucking species ay nagtatapos na lamang doon. 

Pero, hindi sa kelot na si Jack Mord na isang antiques dealer, na kung saan nagpost ng isang larawan ng isang lalaki ibinebenta sa eBay. Ang lalaking ito ay mula sa Bristol, Tennessee. Sabi ni Mord, ang lalaking ito ay may kaugnayan kay Cage o malamang na siya rin mismo.

Naniniwala si Mord na si Cage ay isang bampira na pinananatiling bata ang kanyang hitsura kada 75 taon, o mas maaga pa rito sa pamamagitan ng pag-inom ng dugo. Isa sa mga ebidensiya ni Mord tungkol dito ay ang isinulat ni Cage sa isang social networking site na agad din nitong binura. Ang nakalagay doon na isinulat ni Cage ay: 

“150 taon mula ngayon, maaaring isa na akong politiko, lider ng isang kulto, o kaya naman isang talk show host.”

Sinabi rin ni Mord na ang 50-anyos na ngayon na aktor ay halos di rin nagbago ang mukha sapol pa noong gawin nito ang pelikulang “Moonstruck” noong taong 1987. Hamon niya, pagkumparahin ang larawan noon ni Cage at ihambing ito sa ngayon. Halos ganun pa rin aniya ang mukha niya.

Si Mord na siyang nagbebenta ng antigong larawan umano ni Cage ay hinamon ang sinumang interesadong bumili sa larawan ng aktor noong taong 1870, na suriin ang naturang litrato sa pamamagitan ng facial recogniziton software.kapag in-eksaminin  daw ang orihinal na larawan ay mapapatunayang ang kelot na nasa larawan at ang aktor ay iisa lamang. 

Ang litratong lumabas, 3 taon na ang nakararaan, ay may presyong 1 milyong dolyar. Subalit, sinupalpal ng ilang vampire expert ang pahayag ni Mord,. Hindi aniya iyon si Cage, at kung siya man ay hindi maaaring kuhanan ng larawan ang isang bampira.

At kahit litratuhan mo ang isang bampira, blangko ang lalabas sa frame kapag na-developed na raw ito. Ayon sa mga eksperto, kamukha lang ni Cage ang lalaki sa Civil War Era photo. 

Gumigimik lamang daw si Mord para kumita at sumikat. Kaya napapanatiling bata ni Cage ang kanyang hitsura ay dahil dumaan ito sa face lift. Nariyang kinopya nito ng pasimple ang hitsura ni Gene Wilder na sikat na aktor noong dekada 60 at 70 para maging bankable aktor siya sa Hollywood