Karisma ng Dragonball Z

Hello again sa inyo, my beloved readers. Sana ay nasa mabuti kayong kalagayan. Sana, hindi kayo magsasawang basahin ang mga kabulastugang nakasulat rito. Di bale, nakagagamot naman ito ng mga sakit lalo na sa tiyan. Buweno ang ating topic sa isyung ito ay tungkol sa karton na Dragon Ball Z. 

Nung bata-bata pa ako ay napapanood ko na ang cartoon na ito at nagandahan ako. Sa channel 9 pa ito noon pinapalabas at sa wikang English pa ang lengguwahe. Marami ang nahatak ng Dragonball Z sapol nang Dragonball pa lang ito nung maliit pa si Goku hanggang sa magkaroon na ng Z soldiers. Aba, kahit anong henerasyon ata ‘e kilala ang mga  karakter ng Dragonball Z saka yung mga kontrabida.

Kaya nga, tinagurian itong Number 1 cartoon sa Asya noong dekada 90 at umarangkada rin sa US. Ang naturang cartoon na ata ang isa sa may pinakamahabang serye at mula sa mga labanan nito, maraming cartoon na nagsulputan ang gumaya sa estilo ng Dragonball Z, simula sa labanan sa arena at sa mga kapa-kapangyarihan. Saka eto ang cartoon na hindi ata nalalaos. Na kahit ulit-ulitin mong panoorin, di ka magsasawa. Isa pa sa nakaka-adik sa Dragonball ay ang mahabang serye ng labanan na umaabot ata ng kulang-kulang isang buwan. Alam yan ng fans ng Dragonball.

Sample dyan ay ang Freeza, Cell, at Majinboo saga. Saka yung karakter nito, mahuhusay ding umarte. Saka may mapupulot kang aral sa nasabing cartoon gaya ng pagkakaibigan, pagmamahal sa mga mahal sa buhay, sa kalikasan, sa mundo, pagiging maamo at mapagpatawad. Di ba’t ganyan ang karakter ni Son Gokou? Kaya nga sa tanda kung ito ay nanonood pa ako ng nasabing cartoon. Teka, my belabed readers, dyan muna kayo, manonood pa ako ng labanan nina Goku at Freeza.