REASONS KUNG BAKIT NANG-IISNAB MINSAN ANG MGA TAXI DRIVER

Kung minsan, may mga pagkakataong di natin nauunawaan ang mga kababayan natin na naghahanapbuhay bilang mga taxi driver. Naiinis tayo kapag pinapara natin sila para sumakay tapos iisnabin lang tayo. Teka, baka naman may dahilan kung bakit di sila huminto kapag pinapara natin?

Hindi madali ang maging taxi driver. Kaakibat ng pagmamaneho nila ay nasa binggit din ng panganib ang buhay nila Papaano kung ang mga pasahero nila ay mga masasamang loob pala? Teka, alamin muna natin ang sagot kung bakit nang-iisnab sila. Baka may dahilan. Ito sa tingin ko ang mga tiyak na dahilan.

1.      Baka nagugutom na at kakain muna sandali. Mahirap kaya magmaneho ng gutom. Nakakalabo ng mata at nakakabawas ng alertness. Mahirap magpreno na nahihilo ka na sa gutom. Gusto mo bang mabangga ang sinasakyan mong taxi dahil nawalan ng preno ang driver? Siyempre hindi.

2.      Baka tinatawag ng kalikasan. Baka na-dyiyinggel o kayay najejebakers. Mahirap kayang magmaneho nang natatae ka. Gusto nyo bang magkalat yung driver sa taxi? Dyahe di ba?

3.      Baka nakatanggap ng text o tawag sa cellphone na emergency. Baka inaapoy ng lagnat ang anak lalo na kapag sanggol na kinakailangang dalhin sa ospital. Baka may sunog sa barangay nila at ang sunog e malapit lang sa bahay nila.

4.      Baka may hinahanap na pasaherong nakaiwan ng mahalagang gamit sa taxi na kailangang isauli. Sa halip na mainis tayo ay dapat matuwa tayo dahil kung tayo ang nawalan, isasauli rin iyan ng tapat at mabuting taxi driver.

Ang problema lang ng mga driver ‘e mataas na presyo ng gasolina. Pero, sa kabila niyan, tila masuwerte rin ng maging taxi driver. Nariyang nakakakita ng cellphone yan at pitaka. Na kapag isinauli sa may-ari e bibigyan ng reward.

Marami silang alam na lugar at pasikot-sikot sa teritoryong binibiyahe nila. Maraming taong nakakasalamuha at nakukuwentuhan habang bumibiyahe. Minsan, kapag foreigner ang pasahero ay malaki ang tip na ibinibigay sa kanila. Kahit barat, basta meron, okey na rin.